Eis lecker Rezepter

De Kéis (220 g) zerdrécken an am Schmant (220 ml) opléisen. Een Ament ofkille loossen. D’Eegiel (vu 4 Eeër), dat bëssche Miel (1 TL) an eng giedlech Pout Salz a Peffer, evtl. och eng Onz Meskot drënner réieren. D’Eewäiss zu Schnéi schloen an drënner hiewen. De Mierfdeeg an der Pan ausleeën, d’Hamefätzelcher (150–170 g) oder den ausgeloossene Speck (op Kichepabeier d’Fett deels opgefaang) drop verdeelen an d’Mass drop schëdden. Och e Gräppche glaseg ugedëmpte Schallotte kënne mat der Ham an dem Speck op dem Taartebuedem verdeelt ginn. (Eng ganz vegetaresch Versioun ass och méiglech!). 25 – 30 Minutte bei 170–180 ° baken, jee no Schäffchen. Wann Dir de Mierfdeeg selwer wëllt maachen, kënnt Dir Miel (250 g), Botter (125 g), 1 Eegiel, kaalt Waasser (1 dl) an eng Messerspëtzt Salz zu engem Deeg vermëschen. 

Tipp: Mat Eegiel den Deeg an der Pan besträichen a 7– 8 Minutte virbaken ier d’Kéismass drop geschott gëtt. Doduerch gëtt den Deeg manner mat der Nätzt vun der Taartemass duerchzunn.