Eis Produzenten

Hausmaacher Charcuterie, Zoossissen, Gereechertes a frëscht Fleesch Ons Produkter ginn zënter 40 Joer zu Beefort, no aler Handwierkstraditioun hiergestallt. Mir verschaffe Lëtzebuerger Rand- a Schwéngefleesch, esou wéi Wëld vun de Juegten aus onser Regioun. Dës Basisprodukter si vun enger kontrolléierter Qualitéit a laang Transportweeër fir dʼDéieren, souwéi déi fäerdeg Produkter ginn evitéiert. An onsen zwee Butteker fannt Dir Spezialitéiten, wéi Zoossissen, Hamen, Paté, Jelli, ee grousst Assortiment vu Wurschten, saisonal Zoubereedungen, an awer och e gutt Stéck frëscht Fleesch, ee Bifdeck, Schnitzel, Rouladen, Wäinzoossissen, Gehacktes a vill aner Variante vum Rand, Schwäin, Kallef, Schof an och Gefligel.