Eis Produzenten

Hunnegprodukter Fir eis, wéi och fir d’Planzen an d’Déiere sinn d’Beie liewesnoutwenneg. Si droen zu engem groussen Deel zum Erhale vun eise Kraider, Kulturplanzen an Uebstzorte bäi. Dobäi wëll awer keen déi lecker Naturprodukter, déi eis d’Liewe verséissen, vergiessen. Den Hunneg, allsäits bekannt, awer och de Pollen, Propolis a Gelee Royal, hëllefen eis op natierlech Aart a Weis kräfteg a gesond ze bleiwen. All des Produkter fannen de Wee an eis Rezepter, an domadder op den Teller, an droen zu enger Beräicherung eiser Geschmaachswelt bäi.